මේ දවස්වල ජයටම යන චිත්‍රපටිය මොකක්ද කියල ඇහුවොත් ඕනිම කෙනෙක් කියන්නේ ධර්ම යුද්ධය කියල මොකද ඇත්තටම ඒ චිත්‍රපටය ගැන ගොඩ දෙනෙක් කතා කරන්න පටන් අරන් තියනවා. ටීවී එක දිහා බලාගෙන හිටියම මට පෙනුන දේ තමයි ධර්ම යුද්ධය බලන්න ගොඩක් පවුලේ අය ඇවිත් තිබුනේ ජිවිතයට ආදර්ශයක් ගන්න ඒ වගේම දරුවොත් මේ ච්ත්‍රපටිය බලලා තමාගේ ජිවිතයට ගොඩක් දේවල් අරගෙන තියන බව කියවුනා. සමහර අය අතරේ මේ වගේ අදහස් ප්‍රකාශ වුනා මට මතකයි. " මගේ තාත්තා මට කොච්චර ආදරේ කරනවද කියල දැනුනේ අද" ජැක්සන් මාම දිහා බලාගෙන ඉන්නකොට මට මතක් වුනේ අපේ තාත්තව" මේ වගේ අදහස් ඒ අතරේ තිබුනා. 

මේ දේවල් ගැන කිවුවට මම අද කතා කරන්නේ නම් චිත්‍රපටිය ගැන නෙවෙයි. මේ චිත්‍රපටිය හරහා ලංකාවේ පොලිස්සියට ගන්න පුළුවන් ප්‍රයෝජනයක් ගැන. හරිම සරලයි. මේ වෙනකොට හැමෝම මහා බැංකු කොල්ලයක් ගැන කතා කරනවා. හැබැයි අපිට තවම තියෙන්නේ මේ ගැන සැක පුද්ගලයෝ කීප දෙනෙක් ගැන ඇදහ්ජස්ක් විතරයි. තවම හරි හොරා කවුද කියන එක අපි දන්නේ නැහැ. ඉතින් දැන් අපිට තියෙන්නේ මේ චිත්‍රපටියේ එක එක චරිත වලට එක එක අය දාල බලන එක. නිකමට වගේ අපි හිතල බැලුවොත් රවී අස්වෙච්ච එක මේ හොරකම වහන්න කරන දෙයක් වෙන්නත් පුළුවන්. සමහර විට ඇත්තටම රවී පවු වෙන්නත් පුළුවන්. 

එහෙම නෙවෙයි අපි දැන් ඔය රවී ගැන විතරනේ සැක හිතන්නේ රවී නැතුව අපි හිතන්නෙම නැති කෙනෙක් මේ වැඩේ කරලා තියනවා වෙන්නත් පුළුවන්. ලංකාවේ චිත්‍රපටි කලාව වැටෙනවා කියන එකේ ඔය වගේ චිත්‍රපටි දෙක තුනක් හදුනානම් ඇත්තටම ලංකාවේ පවුල් වල අය අදර්ශයක් හරි ගනී. මේකද දෙවියනේ ගෙදර ඉඳන් හදාගන්න බැරි එකාට. ගෙදර ඉඳන් සෙනෙහස ගැන නොතේරෙන පොඩි එකාට මේ කොහෙන්දෝ ගෙනාපු චිත්‍රපටියක් නිසා මුළු රටම හැදිල තියනවනේ. එහෙම වුනොත් මහබැංකුවේ හොරු ටික වගේ තවත් සිදුවීම් ලංකාවේ වෙන එකක් නැතිවෙයි.

සනහර විට අපේ හිත උණු වෙන හින්දා අපිට මේ හොරකම කරපු අයගේ පවුලේ අය ගැන දුක හිතිලා අපි එයාව නිදහස් කරන්නත් පුළුවන්. මොකද හැමෝම තාත්තලානේ. 

 - කළං -

රවී කරුණානායකට ඉල්ලා අස්වෙන්න කියල මේ දවස්වල හැමෝම වගේ කියනවා. ඒ අතරේ ඉල්ලා අස්වුනේ නැත්තම් අපි බලෙන් හරි ගෙදර යවනවා කියලත් කට්ටියක් කියනවා. මේ කොහොම වුනත් මේක ඒ හැටි ලේසි වැඩක් නෙවෙයි කියලයි කළංට නම් හිතෙන්නේ. මොකද නිකමට හිතල බලන්න කෙනෙක්ගේ රස්සාවක් නැති වෙනවා. කියන එක කොච්චර බරපතල දෙයක්ද කියල. අනිත් එක රස්සාවෙන් අස් කරන්නත් කලින් රැකියාවෙන් අයින් වෙලා යන්න කියන එක කොච්චර අසාධාරණද..? ඔබ රැකියාවක් කරන තැනින් ඔබට එක පාරටම අයින් වෙලා යන්න කියල ආයතනේ අයිති කෙනා ලියුමක් දුන්නොත් එහෙම ඔබ මොකද කරන්නේ. ඔබ එකපාරටම අසරණ වෙනවා නේද..? අන්න ඒ දේම තමයි රවී කරුණානායක මහත්තයාටත් වෙලා තියෙන්නේ. දෙවියනේ කොහොමද එකපාරටම මේ ජොබ් එක දාල ගෙදර යන්නේ. 

උඹල නම් කියයි "හෙට ඉල්ලා අස්වීම දෙන්න" කියල, ඒ වුනාට අස්වෙලා ගෙදර ගියාම ගමේ එවුන්, ගෙවල් අහල පහල එවුන් මොනවා නම් කියයිද..?

උඹල හිතනවා ඇති මේ රස්සාව කළා කියල මහලොකු හානක් හොයන්න පුළුවන් කියල. නැහැ බොහොම පොඩි පඩියක් ලැබෙන්නේ. ඒ සල්ලි වලින් තමයි මම මුළු පවුලම ජිවත් කරවන්නේ. ඉතින් එහෙම ජිවත් වෙන අතරතුරේදී මගෙන් මොකක් හරි වරදක් වුනා කියල කියන්නකෝ එතකොට ඇයි ඔච්චර කලබල වෙන්නේ..? වැරදි සිද්ධ වෙන එක මනුස්ස ගතියක් සමාව දෙන එක දේව ගතියක් කියල නිකමට හරි අහල තියනවද..?

අනිත් එක දැන් හැමෝම රවී මහත්තයට "මට මතක නැහැ" කියල කිවුව කියල විහිළු කරනවා. ඇත්තටම මිනිස්සුන්ට එහෙම අමතක වෙන්න බැරිද..? ඕනි තරම් මිනිස්සුන්ට රැකියාව කරන තැනදි දේවල් අමතක වෙන්න බැරිද..? ගෙදරින් ගෙනියන කෑම එකේ ඉඳල ඇඳගෙන යන කලිසම දක්වා ඕනිම දෙයක් අමතක වෙන්න පුළුවන්. මොකද ඒ රැකියාව කරන තැන තියන වැඩ ගොඩත් එක්ක. ඉතින් මුළු රටේම මුදල් බලන ජොබ් එක කරන රවී මහත්තයට ඒ විදිහට අමතක වෙන්න බැරිද..? පුළුවන්නේ එක සාධාරණයි නේ..

ඉතින් එහෙනම් දෙවියනේ ඇයි ඒ අහිංසකයට ගෙදර යන්න කියල කියන්නේ.

ඡායාරූපය - ෂෙහාන් ගුණසේකර

01. විජයග්‍රහණයේ සැමරුම කියන වචනය 

අද වෙනකොට ශ්‍රී ලංකා ත්‍රිවිධ හමුදාව එල්.ටී.ටි.යි එක පරාජය කරපු දවස හඳුන්වන්න හැමෝම වගේ පාවිච්චි කරන්නේ විජයග්‍රහණයේ සැමරුම කියන වචනය. ඒක නිසා ගොඩක් අය හිතාගෙන ඉන්නවා විජයග්‍රහණයේ සැමරුම කියල කියන්නේ LTTE එක පරාජය කරපු දවසට කියන තනි වචනය කියල. ඒ වචනේ තේරුම මොකක්ද කියන එක අපි ගොඩක් අයගෙන් අහල බැලුව සමහර අය ඒ වචනේ තේරුම දන්නේ නෑ වගේම තවත් සමහරු දීපු උත්තර වල තිබුනේ LTTE එක පරාජය වෙච්ච දවස, අපි දිනපු දවස, බෝම්බ පිපිරෙන එක නැවතුන දවස වගේ දේවල්. එත් ඇත්තටම ඒක මේ දවස සමරන්න දාගත්තු වචනයක් විතරයි. විජයග්‍රහණය කියල කියන්නේ විශිෂ්ඨ ජයග්‍රහණය කියන එක. ඇත්තටම බැලුවොත් අපි රටක් විදිහට ඇත්තටම ඔය කියන විශිෂ්ඨ ජයග්‍රහණය ලබන්නේ කවදද.? යුද්ධය ඉවර කල කියල අපි ඔය කියන විශිෂ්ඨ ජයග්‍රහණය ලබන්නේ කවදද..? අපිනම් හිතන්නේ රටක් විදිහට ආර්ථික, සමාජීය, සංස්කෘතික අතින් අපි දිනපු දවසට අපිට ඇත්තටම විජයග්‍රහණයේ සැමරුම

සමරන්න පුළුවන් වෙයි කියල. හැබැයි ඒකට තව කොච්චර කාලයක් ඉවසන්න වෙයිද කියන එකනම් අපිට හරියටම කියන්න බෑ මොකද අපි තවම සංවර්ධනය වෙමින් පවතින රටක් නේ. 

02. "බෝම්බ පිපිරෙන එක නවත්තුවනේ, ප්‍රභාකරන් මරුනනනේ,දැන් අපිට සතුටුයි නේ.

විජයග්‍රහණයේ දිනය සමරන්න ඕනි කියල ෆේස් බුක් එකේ ජනමාධ්‍ය වල කෑ ගහන ගොඩක් අයගෙන් ඇයි අපි විජයග්‍රහණයේ සැමරුම කියල එකක් කරන්නේ කියල ඇහුවම එයාල හරිම ආඩම්බරෙන් දෙන උත්තරේ තමයි. " බෝම්බ පිපිරෙන එක නවත්තුවනේ, ප්‍රභාකරන් මරුනනනේ,දැන් අපිට සතුටුයි නේ..  කියන එක. හැබැයි රජෝ ප්‍රභාකරන් මරුන කියල හරි , බෝම්බ පිපිරෙන එක නැවැත්තුව කියන එකෙන් හරි කියවෙන්නේ නෑ අපි විජයග්‍රහණය කළා කියල එක. එකෙන් කියවෙන්නේ යුද්ධය ටික කාලෙකට හරි නැවතුනා කියන එක විතරයි. තේරුම් ගන්න පහසු භාෂාවෙන් කිවුවොත්  හරියටම වෙලා තියෙන්නේ යුද්ධෙන් එක පිලක් පැරදුනා කියන එක විතරයි.  ඒක නිසා වැස්ස නැති කාලෙට හරිම සතුටෙන් නට නටා හිටපු පළගැටියෝ වගේ අපිටත් මෙහෙම නට නටා ඉන්න වෙන්නේ වැස්ස ආයෙත් එනකං විතරයි කියන එක අපි මතක තියාගන්න ඕනි. එහෙම කියනකොටම ගොඩක් අයට ඊළඟ කියවෙන දෙයක් තමයි ඊළඟ බොරු මතය. 

 03." එකනේ අපි කියන්නේ ආයෙත් කොටි නැගිටිනවා කියල"

පළගැටියගේ කතාව කියවනකොටම සමහරුන්ට හිතෙන්න ඇති. එක තමයි අපි කියන්නේ "කොටි ආයේ නැගිටිනවා කියලා " නෑ නෑ මහත්වරුනි අපි කියන්නේ ආයෙමත් නැගිටින්නේ කොටි නෙවෙයි. අයෙමත් අපි ඇහැරවා ගන්නේ, අහරෙනකන් බලන් ඉන්නේ යුද්ධයක් කියල. මොකද ඕනිම රටක යුද්ධයක් අවසන් වුනාම ඒ රටේ ඉන්න ජනතාවගේ මානසිකත්වය හදන්න වැඩසටහන් කරනවා. එහෙම නැතුව හැමදාමත් යුධ මානසිකත්වය පවත්වාගෙන යන්න දෙන්නේ නෑ. එහෙම වුනොත් ඊළඟ පරම්පාරවත් සුළු ජාතිය, මහා ජාතිය කියල දෙකක් හදාගෙන ගහගන්න පටන් ගනී. යුද්ධ කරන්න පටන් ගනී. සමහරවිට ආයෙමත් යුද්ධය ඇතිවෙන්නේ LTTE සංවිධානය එක්ක නොවෙන්න පුළුවන්. වෙන නමක් තියන සංවිධානයක් එක්ක වෙන්න පුළුවන්. ඒක නිසා අපි හිතන්න ඕනි. රටක් විදිහට අපි එවැනි යුද්ධයක් ආයෙමත් ඇති නොවෙන්න අපි මොකද කරන්න ඕනි කියල. එහෙම නැත්තං අපිට පුළුවන් යුද්ධයක් ඇතිවෙන දවස වෙනකං හැම අවුරුද්දකම විජයග්‍රහණයේ සැමරුම සමරන්න හරිම ආඩම්බරෙන්. 

04. "යුද්ධය කලේ මහින්ද මහත්තයා. නෑ නෑ.. යුද්ධය භාගයක් ඉවර කරලා දුන්නේ රනිල් මහත්තයා. නෑ.. යකෝ චන්ද්‍රිකා මැඩම්.

විජයග්‍රහණයේ සැමරුම ඉහලින් සමරන්න ඕනි කියල කියන ගොඩක් අය එකේ අයිතිය හැම වෙලාවකම ලංකාවේ දේශපාලන නායකයන්ට දෙන්න උත්සහ කරනවා. මොකද අපි හැමෝම හිතාගෙන ඉන්නවා යුද්ධය කරන්නේ මේ දේශපාලන නායකයෝ ටික කියල. ඒ මතය ගොඩක් දුර ගිහින් සමහර විට මානසික රෝගයක් වෙලා අන්තිමේට හිතෙනවා මේ රට අයිතිය තියෙන්නෙත් දේශපාලන නායකයන්ට කියල. ඒක මේ මානසික ප්‍රශ්නයේ ඉහලම තැනක්. ඒ විදිහට ඒ මානසික ප්‍රශ්නය උත්සන්න වුනාම ගොඩක් අය මෙලෝ සිහියක් නැතුව දේශපාලන පක්ෂ වලට මැරෙන්න හදනවා. තවත් සමහරු අපිට වුන් මොක කලාම මොකද අපි ඡන්දයක්වත් දාන්න යන්නේ නෑ අපිට මොකටද ඔය දේශපාලනේ උන්ටම ගිය රටනේ කියල සද්ද නැතුව ඉන්නවා. හැබැයි නෝනාවරුනි, මහත්වරුනි, එක දෙයක් මතක තියාගන්න ඕනි. අපිට මෙච්චර කාලයක් වරදුනෙත් එකම තමයි. මේ යුද්ධයට එයාල ඉහල ඉඳන් එක එක ප්‍රමාණෙන් නායකත්වය දුන්න කියන එක්ක ඇත්ත. හැබැයි එහෙම කියල එකේ තනි අයිතිය එයාලට දෙන්න බෑ. මොකද ඒක තමයි එයාගේ වගකීම, එකට තමයි අපි එයාලව පත්කරලා යවල තියෙන්නේ ඒ වෙනුවෙන් අපි ගෙවන බදු වලින් අපි කොච්චර පහසුකම් එයාලට දීල තියනවද..? මේ යුද්ධය වෙනුවෙන් සාමාන්‍ය මිනිස්සු වෙච්ච අපි කොච්චර කැපකිරීම් කලාද..? දෙපැත්තේම මරුනේ සාමාන්‍ය ජනතාව, කොච්චර කාලයක් අපි බඩේ පටි තදකරගෙන හිටියද..? එක නිසා අපි හැමෝම ලාංකිකයෝ විදිහට මේ වෙලාවේ ලංකාවේ දේශපාලකයන්ට තියන අනියත ගවුරවය නැති කරගන්න ඕනි. නැත්තම් වෙන්නේ දුෂණය කරන්න ගිය කෙල්ලෙක්ව බොරගත්ත මනුස්සයෙකුට ගරු කරනවා කියල ඒ කෙල්ලව ඇතිවෙනකන් දුෂණය කරන්න ඉඩ දෙනවා වගේ දෙයක්.

05. ඔන්න කොටියනම් ඉවරයි.. හැබැයි මම අද කිවුවා කියල මතක තියාගනින්.. ඊළඟට ඉතිං මුස්ලිම් කාරයා තමයි රට අල්ලන්නේ.

මේ සැමරුම සමරන ගොඩක් අය ඊළඟට කියන කතාවක් තමයි ඕක. සමහර වෙලාවට එහෙම කියන්න හේතුත් අහරිම ලස්සනට කියන්න මෙහෙම කියන අයට පුදුම හැකියාවක් තියෙන්නේ.   එහෙම කිය කියා සමාජ ජාලවල විස්තර පල කරන්නත් මේ අය අමතක කරන්නේ නෑ. හැබැයි එකක් මතක තියාගන්න මෙහෙම කියල තමයි අපි LTTE කියල සංවිධානයක් හදාගන්නත් ඉඩ හදල දුන්නේ. අපිටනම් හිතෙන්නේ දැන් අපි කරන්න ඕනි අපි සිංහල, අපි මුස්ලිම්, අපි දෙමල  කියල බෙදිලා ඉන්න එකවත්. එක එක ජාතීන්ට බැන බැන ඉන්න එකවත් නෙවෙයි. අපි දැන් කරන්න අවශ්‍ය වෙලා තියෙන්නේ අපි ශ්‍රී ලාංකික කියල හිතල  වැඩ කරන එක. ඒ වෙනුවෙන් අවශ්‍ය වැඩ පිළිවෙල හදන්න බල කරන එක.

 සමහර විට ඔබට තිබෙන්නේ මිට වඩා වෙනස් අදහසක් වෙන්න පුළුවන්. එහෙනම් ඒ ගැන පහතින් කරන්න. එහෙමත් නැත්තම් අපිට මඟ ඇරුණු කරුණු මොනවා හරි තියෙන්නත් පුළුවන් ඒ ගැනත් පහතින් කරන්න. තවත් කෙනෙක් මේ ගැන දැනුවත් වෙන්න ඕනි කියල හිතනවානම් කරන්න. 

 අන්තිමට මොනවා වුනත් අපිට අහන්න තියෙන්නේ රටක් විදිහට අපි විජයග්‍රහණයේ සැමරුම ඇත්තට සමරන්නේ කවදද කියන එක.

- සටහන කළං - 

නායකත්ව පුහුණු වැඩසටහන පිළිබඳව රැල්ලක් මේ වන විට සමාජය තුල ඇතිවෙමින් තිබේ. දහම් පාසල්, පාසල් සහ ආයතන මුලික කරගනිමින් විවිධ පුද්ගලයන් නායකත්ව පුහුණු වැඩසටහන්  පවත්වමින් සිටි. ඔවුන් සතුව තිබෙන වෘත්තීය සුදුසකම් මොනවාදැයි යන්න පිළිබඳව හෝ  බැලීමක් මෙකී නායකත්ව පුහුණු වැඩසටහන් වලදී සිදුවනවාද යන්න ප්‍රශ්නාර්තයකි. 

දිනෙන් දින ඇරඹෙන විවධ ෆේස්බුක් හරහා පෞර්ෂ වර්ධනය යන මුවාවෙන් මුදල් ඉපයීම සිදු කරන සහ සමාජය තුල තමන්ගේ පෞර්ෂය ගොඩ නගා ගන්නා බොහෝ දේශකයන් ඒ සඳහා සැබැවින්ම සුදුස්සන් දැයි අප විමසා බැලිය යුත්තේ ඔවුන්  සමාජයට ගෙන එන  පණිවිඩය, හේතුකාරණා නොඅසා මිනිසුන් විශ්වාස කරන නිසාය. 

මා මේ ලිපිය ලියන්නට සිතුවේ මේ දිනවල ෆේස්බුක් සමාජ ජාල වෙබ් අඩවි හරහා ව්‍යාප්ත වෙමින් පවතින වීඩියෝවක් නිසාය.

මගේ රට

මගේ ජාතිය 

මගේ ආගම 

මගේ භාෂාව, කියා වටිනා රත්න  හතරක් ඇති බව අපට මුලින්ම කියා දුන්නේ අනගාරික ධර්මපාල තුමයි. ඒ පිළිබඳව අපේ පාසල් පෙළ පොත් වලද ඇතුලත්ව තිබු බව මට මතකය. ඒ කාලේ එම පාඩම කියවන විට ගුරුවරු රටේ අභිමානය ගැන කියා දුන් අයුරු තාමත් අපට මතකය. එකල එය ඇඟේ මයිල් කෙලින් වෙන කතාවකි. ඒ හැර පාසල් ගුරුවරුන්ට කිසිවිටෙකත් එම කතාවට ගැඹුරක් එක්කිරීමට හෝ එහි අර්ථය ගැන විශ්ලේෂනයක් කිරීමට පොටක් පාදා දීමටවත් හැකි වුයේ නැත. එබැවින් එවැනි කාරණා රැසක් හේතුවෙන් ඥානසාර හිමි වැනි  අයට අසීමාන්තිකව පෙම් කරන පරපුරක් බිහිව ඇත.